hazem fathy
المدير العام
عدد المساهمات : 764
تاريخ التسجيل : 03/04/2010
العمر : 34
الموقع : https://heartnight.yoo7.com
 | موضوع: النساء أنواع مختلفة ( أي واحده تريد أنت منهم )  الأربعاء أبريل 28, 2010 2:30 pm | |
| النساء أنواع مختلفة ( أي واحده تريد أنت منهم )
ان بقيت بخيت.....ربنا يديك....مرا هدية ورضية.... السماحة ما ضروري لانو بعد شوية...... ما حتكون سمحة..... حتكون عادية....... نصيحة لك..... النسوان البقولن ديل اوعك تعرس واحدة فيهن.....الفنانة.... و الحنانة....و الحردانة,,,,,المدرسة.. والمدبرسة......والمفلسة النوامة..والحوامة......واللوامة,,,,,البوبارة...... والكوُبارة.....والخبّارة
,,,, الممحوقة.....والمطلوقة.....واللايوقة"
اها.... نمسكن واحدة واحدة
الحردانه ......
الحردانه دي تكرهك حياتك .... أقل كلمة تتقنع توبها وتجري بيت ناس أبوها ..... وتلحقها أنت ........ وتلقى أبوها .. تقعد في طرف العنقريب . تطقطق في أصابعيك ... ومدنقر في الواطه ..... وداير تراضيها ترجع البيت ...... لكن أحسن حل ليك يا تسكنو مع ناس أبوها ....... يا تجيب ناس أبوها عندكم .... عشان توفر المشاوير والجري
المُدرسة :-
أول حاجه دي ما بتقدر تفرق بينك وبين الطلبه ....... وحتقعد ........ تعيد وتكرر في الكلام مليون مره ........ زي برنامج من الأمس الفي التلفزيون ....... وممكن جداً تسرح وتقول ليك فاهم يا شاطر ...............
النوامه ......
تجي من الشغل نص النهار وزهجان ........تلقاها مبطوحه نايمه ........ تانيه المخده وخاته إيدها تحتها ......... وتشخر .... وريالتها سايله ........ وحالتها بالبلا .......... وتكره اليوم الفكرت فيهو أنت في التكاثر .........
الحوامه .....
....طول اليوم فوق كرعيها .... في الحلة من بيت لبيت ..... وتدخل البيت .. قبال انت تجي من الشغل بخمسة دقائق ...... وتجري تولع النار ....... وتطبخ ليك القطر قاااااام ...... أو الطياره قااااامت .... وأول ما ينتهي الغدا .... كان فالحه تغسل العده ...... وتدخل في سفنجتها ... استعدادا لرحلة جديده ....
كدي ماشي أشرب مويه وجاي أتم ليكم باقي النسوان | |
|
الرئيسية
أحدث الصور
